Posts filed under ‘maskani’

HERI YA MWAKA MPYA

Niliandika awali, siku chache sana kabla mie na wewe unayesoma hapa hatujauona, lakini midhali hivi sasa naamini tumeuona… si vibaya tukitakiana Heri ya Mwaka mpya wa 2008. Tumshukuru Mungu kwa wema aliotutende mwaka wa 2007, na kumuomba atujaze nguvu na kututia moyo kwa kila tunalofikiria kulitenda katika mwaka huu wa 2008

¬†HERI YA MWAKA MPYA….HAPPY NEW YEAR 2008

January 1, 2008 at 1:56 am 1 comment

heri ya mwaka mpya wana Jukwaa la Uchambuzi wote

salaam

December 30, 2007 at 6:34 pm 1 comment

Happy Maadili Day

siku ya maadili

Hivi ilikuwa siku ya Maadili au Madili? Anyway, si mbaya lakini, naamini mliifurahia

December 11, 2007 at 10:39 am Leave a comment

Hivi ni nini hasa kinaendelea ndani ya TAKUKURU?

Hivi ni nini hasa kinaendelea ndani ya TAKUKURU? Hili ndilo swali la kwanza kabisa nililojiuliza baada ya kusoma ujumbe huu. Lakini haijaishia hapo, nikasoma na kutumiwa tena ujumbe huu hapa. Na mambo yote haya yanakuja katika kipindi ambacho kumekuwa na kelele nyingi sana kuhusiana na TAKUKURU.

Madai,¬† tuhuma, minong’ono na mambo mengine kama hayo ambayo yamekuwa yakielekezwa kwa Taasisi ya Kuzuia na Kupambana na Rushwa nchini (TAKUKURU), ni miongoni mwa mambo ambayo yamekuwa yakifukuta chini kwa chini na kusikika mitaani katika siku za karibuni. Bahati mbaya sana ni kuwa hakuna taarifa zozote ambazo zimekuwa zikitoka zenye kueleza hasa nini kinachoendelea.

Waswahili husema kuwa lisemwalo lipo na kama halipo laja. TAKUKURU, ikiwa moja ya Taasisi ambazo Watanzania wamekuwa wakizitolea macho wakiamini kuwa ndio mkombozi wao, haitakiwi kukaa tu kimya bila kusema lolote kuhusiana na masuala hayo yanayosemekana mitaani.

Lakini sio tu kuwa ifungue midomo na kupayuka kukanusha, hapana. Tunataka kupata maelezo ya kina, yenye kueleweka na ambayo yataandaliwa katika mazingira ya kuelewa kuwa Watanzania wamesoma na wanajua kile kinachosemwa kuwa ni uongo au laa.

Nikiwa mmoja wa Watanzania ambao tunaamini kuwa TAKUKURU ina nafasi kubwa sana katika maendeleo ya taifa hili, napenda kusema wazi kuwa TUMECHOSHWA NA HAYA MAMBO NA TUNATAKA MAELEZO YA KUTOSHA KUTOKA TAKUKURU NA SI BLAH BLAH.

December 11, 2007 at 10:13 am 1 comment

Waraka wa Butiku kwa Mkapa huu hapa

“Mali imeanza kuchukua nafasi ya uzalendo na kutumiwa na viongozi wengi wa CCM kama nyenzo ya uongozi bora wa kisasa. CCM imeanza hata kutoona haya, na viongozi wakuu, chini ya uongozi wako sasa wamenyamaza, wanaona haya kukemea uovu” – Hiyo ni sehemu ya maneno yaliyoko katika waraka wa Mwenyekiti wa Taasisi ya Mwalimu Nyerere, Joseph Butiku, aliomuandikia mwenyekiti mstaafu wa CCM, taifa, Benjamin William Mkapa.

Inawezekana kweli kuwa mzee Butiku, akiwa kama mmoja wa viongozi wa ngazi mbalimbali za juu za kiserikali na chama enzi zake, hakufanya jambo lolote la maana kuhakikisha hali haifikii katika kiwango tunachokisoma katika waraka huu, kama alivyosema mchangiaji mmoja kule kwa kaka yangu Jeff wa harakati, lakini sidhani kama hicho kinaweza kuwa kigezo cha kukosoa haya anayosema kwasababu yana mantiki ndani yake na hali ndivyo ilivyo.

Soma waraka huo ambao wiki kadhaa zilizopita ulizua majibizano baina yake na viongozi kadhaa walioko madarakani hivi sasa. Bonyeza hapa kuusoma.

November 7, 2007 at 12:35 pm 1 comment

Older Posts Newer Posts


Blog Stats

  • 35,058 hits
September 2020
M T W T F S S
 123456
78910111213
14151617181920
21222324252627
282930