Archive for November, 2007

Waraka wa Butiku kwa Mkapa huu hapa

“Mali imeanza kuchukua nafasi ya uzalendo na kutumiwa na viongozi wengi wa CCM kama nyenzo ya uongozi bora wa kisasa. CCM imeanza hata kutoona haya, na viongozi wakuu, chini ya uongozi wako sasa wamenyamaza, wanaona haya kukemea uovu” – Hiyo ni sehemu ya maneno yaliyoko katika waraka wa Mwenyekiti wa Taasisi ya Mwalimu Nyerere, Joseph Butiku, aliomuandikia mwenyekiti mstaafu wa CCM, taifa, Benjamin William Mkapa.

Inawezekana kweli kuwa mzee Butiku, akiwa kama mmoja wa viongozi wa ngazi mbalimbali za juu za kiserikali na chama enzi zake, hakufanya jambo lolote la maana kuhakikisha hali haifikii katika kiwango tunachokisoma katika waraka huu, kama alivyosema mchangiaji mmoja kule kwa kaka yangu Jeff wa harakati, lakini sidhani kama hicho kinaweza kuwa kigezo cha kukosoa haya anayosema kwasababu yana mantiki ndani yake na hali ndivyo ilivyo.

Soma waraka huo ambao wiki kadhaa zilizopita ulizua majibizano baina yake na viongozi kadhaa walioko madarakani hivi sasa. Bonyeza hapa kuusoma.

Advertisements

November 7, 2007 at 12:35 pm 1 comment

Hawa wamepona, wangapi wamekufa?

muhimbiliNi habari ambayo ilinisikitisha sana kama si kunistua sana kwakweli. Mgonjwa wa kichwa anapasuliwa mguuni na yule wa mguu anapasuliwa kichwani. Sijui nishangae au nijiulize au.

Ikiwa hukukutana na habari hiyo ambayo ilitoka katika gazeti la Mwananchi la siku ya Jumatatu ya Novemba 5, basi bofya hapa uisome habari hiyo kikamilifu na kisha bofya hapa kujua kilichofuatia baada ya habari ile.

Uzembe huu katika Taasisi ya mifupa ya Muhimbili, ni wa aina yake kwakweli, na kwakuwa inaelezwa kuwa yanatokea mambo haya mara kwa mara, tunajiuliza ni wangapi wamepoteza maisha kutokana na uzembe huu?

November 6, 2007 at 12:01 pm 3 comments


Blog Stats

  • 32,107 hits
November 2007
M T W T F S S
« Oct   Dec »
 1234
567891011
12131415161718
19202122232425
2627282930