Karibu Dar Mjomba

November 30, 2006 at 3:04 pm Leave a comment

Hivi karibuni, nilibahatika kutembelea ‘Tanzania’, nikimaanisha jiji la Dar es salaam (mnashangaa!! shauri lenu, si hata vyombo vya habari husema sijui Joji Kichaka kamwaga misaada Dar, wakimaanisha Bongo au Tanzania? Shauri lenu), Basi bwana, ile kuwasili nikapata mapokezi makuuuuubwa kama nanihii vile (utajaza mwenyewe).

Makaribisho hayo yaliambatana na risala niliyosomewa na ka-mjomba kangu kamoja kati ya vi-mjomba vyangu lukuki vilivyozamia jijini humo. Risala ya kamjomba kangu hako ilikuwa kama ifuatavyo:-

KARIBU DAAS’LAM MJOMBA.
Mjomba tunapenda kukukaribisha sana ndani ya jiji hili la Daas’lam, aka Bongo. Na tunakupa pole kwa safari ndeeefu ya kutoka huko madongo poromoka ulikotokea.

Mjomba, uliposhuka tu uliniuliza kama pale tuliposhukia ni stendi au shule na ikiwa ni shule, ni shule gain ambayo ina yunifomu mchanganyiko? Sikutaka kukujibu swali lako maana nilitaka uje nikueleze kwa utuo tukiwa nyumbani.

Mjomba hapa jijini ni vigumu sana kujua kiwango cha shule tulizonazo kwa kuangalia yunifomu, maana zipo za kila aina. Kuanzia makahaba, wezi, vibaka, waganga wa kienyeji, wauza bar, wauza mikaa na kila mtu ana yunifomu yake. Kifupi ni kuwa hapa jijini yunifomu ni vazi la kawaida kabisa na wala halimaanishi kuwa mwenye nayo anasoma au laa, chunga sana anaweza kuwa kahaba pia.

Mjomba pia uliposhuka nilikutahadharisha juu ya matumizi ya simu sasa nikueleze kwa utuo. Ndani ya jiji hili mjomba, watu huamini kuwa wao ndio wanaojua sana matumizi ya simu, na nyie wakuja toka huko madongo kwikwikwi hamjui matumizi yake.

Inakubidi ukipigiwa simu au ukitaka kusoma meseji basi uangalie kwanza mazingira yaliyokuzunguka, angalia kushoto na kulia kwanza kama unataka kuvuka barabara vile kasha ndio ufikie uamuzi.

Mjomba, ukiwa ndani ya Dar, maisha si magumu kama watu wanavyodhania, kwasababu unachotakiwa kuwa nacho kichwani ni kipaji cha Usanii, Uongo, Utapeli, kwa maana hayo humfanya mtu kuishi atakavyo jijini hapa. Zaidi ya asilimia 80 ya wakazi wa hapa huo ndio mfumo unaowaweka hapa mjini.

Kingine ambacho kinaweza kukuacha midomo wazi mjomba, ni kuwa ingawa inaaminika kuwa Dar ina wajanja kibao, lakini ukweli ni kuwa kasi ya ongezeko la wajanja inaenda sambamba kabisa na kasi ya ongezeko la wapuuzi, wajinga, wapumbavu na washamba wa kila aina.

Akiongezeka mjanja mmoja leo, jua kuna mahali kaongezeka pia mjinga mjinga mmoja huko kona Fulani Fulani. Wenyewe sisi wa mjini tunawaita Walugaluga. Fikiria ule mchezo wa karata tatu mjomba uliokuwa unatuhadithia wakati sisi wadogo kuwa mliucheza enzi hizo mko vijana? Basi wapo jamaa wanaliwa hadi leo hii.

Jambo zuri sana kwako wewe, maana nimesikia una mpango wa kutafuta Chombo cha kukurahisishia usafiri (na ni vyema ukajua kuna magari na vyombo vya kurahisisha usafiri mjomba), ni kuwa, ukiwa na gari unatakiwa tu uwe unajua unakoenda, kunyoosha gari barabarani na kukata kona. Si lazima kujua sheria za barabara, maana si mahali pa kuzi-apply hapa mjomba.

Dah!! naona ushaanza kusinzia mjomba, kutokana na uchovu. Nilikuwa na salamu kutoka kwa wajomba zako wengine, lakini nadhani watakutumia salamu zao kupitia sanduku la maoni maana hawataweza kuonana nawe laivu, na pia siwezi kuziwasilisha kwako maana ushaanza kusinzia.

Karibu Daa’slam Mjomba.

Entry filed under: maskani. Tags: .

Wasamaria wetu na usamaria wa vyombo vya habari Siku ya UKIMWI duniani na uzinduzi wa kondomu zeny…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Blog Stats

  • 31,180 hits
November 2006
M T W T F S S
« Oct   Dec »
 12345
6789101112
13141516171819
20212223242526
27282930